ماتعرفو 4 كان بترمهم

ياجماعة :!!

السلام عليكم

اليوم شعرا لا ضعت وصار فيا وتشديت مرسكي في المترو لوكان موش بنيات لحلال

ربي يبقيهملي بخير

الحاصيلو هاي الحكاية منين بدات

وانا مروح من شارع قرطاج كملت خديمتي ومروح زاهي وفرحان وفرد الوقت اضلم وعينيا مغلمسة لا يزي الجوع وزيد الدخان وفا عليا

ايا لا علينا مشيت دبة دبة لابن رشيق باش ناخو الاخضر الطويل

توا انا نورمالمون ناخوه من برشالونة اقربلي اما قلت برا بركة واحد مايفلتش تكحيلة في ال

avenue

وزيد باش نشد بلاصة في المترو ايا سيدي وسلتش ......وصلت.... ندز في ساق ونخلط في لخرا بالسيف

لاعلينا واذا بيه الميترو جاء ....بيني وبينكم لتو لانعرف علاش مشا في بالي الى هوا نومرو 3 الى يوصلني

الحاصيلو طلعت نتصهمم ونلوج فسط الميترو على كعبة الواحد يشد باها يديه ويشلل عينيه

مانكذبش عليكم هوا ال3 معبي كان بالسلع والشلايك الكل ومافاهم حتى وحدة في المستوى

اما النهار هاذاكا لقيت زوز زبابر الى هوما موش هوما هوما اما .......هكاكة

ايا سيدي بهمت تبهيمة مزمرة ....ايا ماعليناش

قعدت نكحل على روحي رايض حتى لين وصلت البرشالونة وباش يدور المترو ويروح

هبطو هوما الكل وفي الجملة ترزيت في وحدت من هاكالزبابر

وشديت انا بلاصة بحذا لخرا وياليتني ماشديتها

هوما طلعو افواجا افواجا سلعه

Lux

وتوريست

بهمت درجين زعما هذا مترو نومرو 3 ؟؟؟؟

قلت بيني وبين روحي والله لا يحسان

اهبط وشوف

انا هبط وهوا سكر الباب

تلفت من تالي اش طلع

طلع ..........4

خرجت بخلاصة

ماتعرفو 4 كان بترمهم

يعطيهم الصحة الزبابر