سحب الجنسية لكل مرا ماتعرفش الطيب وبالاخص الكسكسي بالعصبان

علمنا أخيرا بخبر سعيد ألا وهو سحب الجنسية التونسية من السيدة سهى الطويل أرملة ياسر عرفات، ونحن إذ نشيد بهذا الإجراء ونشكر كل من ساهم فيه من قريب أو بعيد وندعو إلى تعميمه على أساس أنّ كلّ مرأة ما تعرفش اتطيّب السلاطة المشويّة والكسكسي بالعصبان والمرمز ما تستاهلش باش "تتمتـّع" بجنسيّة بلادنا العريقة، فإنّنا نتوجّه إلى كل من يعنيه الأمر باش يساهم في ترسيخ هذا التوجّه الحميد لتنظيف البلاد من العناصر الزايدة عن اللزوم وسحب الجنسيّة

من جميع الزنوس وذلك بداية بقائمة الأشخاص التالي ذكرهم مع الأسباب المبيّنة أسفله:

عصام الشوّالي

بتهمة التشهدير الزايد عن اللزوم على قنوات أجنبيّة-

سمير الوافي

بتهمة المساطة والركاكة وقلة الحياء المبالغ فيها

علي بومنيجل

بتهمة إنتحال صفة حارس مرمى والتسبّب في أمراض ضغط الدم والسكر لحوالي 5 ملايين من الأبرياء

- الطفلة اللي بزنست عليها البارح وما حبّتش تعطيني نومرو التاليفون متاعها بتهمة التفريط في الثروات الطبيعية الوطنيّة-

واحد إسمو محسن نسالو فلوس ما رجّعهمليش بتهمة القلبة الموصوفة-

واحد آخر إسمو ياسين على خاطر ما نحملوش هكّاكة من عند ربّي،

وانزيدوها الحكايو هاذي وتولي

جريمة التغرير بشاب اعزب واجباره على العرس من غير ماتعرف اطيب