معنى "لوغة خديجة حكيلي ظهري "

معنى "لوغة خديجة حكيلي ظهري "

للي مايعرفهاش والا يعرفها ومزال مافهمهاش

والله غريبة هاذي قالتلهم اسكتو

طفلة ستنداريست في شركة في وسط العاصمة اليوم مشيتلها بطلب من عرفي باش توريني مهندس الاعلامية في الشركة والمسؤول عن ادارة الاعلامية غادي

باش نعاونو في عطل في الريزو ظرب الشركة

الحاصيلو كيف مشيتلها نلقاها على الكونتوار متصدرة تتلعوك للماشي والجاي وتمضغ في كعبة شوينقوم

وحنكاتها هات هات يمين ويسار

fond de teint وحالتها ماقال حد لحد وجهها تقول عليه بالياغورت هاكلي يقولو

فمها ملبز وهيا عاملة في روحها بدعة

حااااااشى نعمة ربي الحاصيلو

عاد قلتلكم مشيتلها ..انا مزلت نصبح ....والتاليفون ضرب الووووو اهلا سي شعبان... وقاتلي دقيقة امانك

بعدت انا شويا ومشيت نشعل في سيقارو حتى تكمل للا تاليفونها وقعدت نسمع فاها شنيا تحكي مع سي شعبان ايا سيدي كلامها يجي على كل شيىء كان على الخدمة وهاي ضحكتلو وهاي طرشقت عليه الشوينقوم في التاليفون ..

اما الحاجة الى لفتت انتباهي ووقفتلي مخي (بعد ما اندرا شنيا حكالها هوا) كيف قتلو "...يزينا عاد ...هاذي لوغة خديجة حكيلي ظهري ..." والله بهمت وقلت في مخي تو تعرفها شنيا معنتها تقول فاها وفي التاليفون ؟ ولسي شعبان هذا ؟

ياسيدي حكاية خديجة حكيلي ظهري حكاية لراجل مسكين زوال وعندو دويرة صغيرة عندو شبعة صغار لاتقول لا 7 ولا 8 هاذاكا فاش جاء غرامو !!!الحاصيلو ولادو ديما في وجهو حتى نهارة السبت في العشية وفي الليل مخر عابدينوالمهم مالقاش راحتو مع مرتو خديجة بلكل وماعادش ينجم يعيش معاها كالازواج اش يعمل خونا ؟؟ اش يعمل ؟؟ايا سيدي دبر الحكاية التي تساعدو وتهنيه ولا كل مايبدى حاجو بخديجة على انفراد بلاش اولادها في امور خصوصية يمشي لبيت البانو يحل الدوش ويعمل روحو باش يدوش ويعيط لخديجة مرتو قدام لولاد "يااااخديجة ايجي حكيلي ظهري " هيا تدخل وهوا يلقي علاها القبض ويشدها ..........تحكلو في ظهرو والوليدات جاد علاهم الى والدهم

هبطت عليه النضافة ضربة وحدة وولا يدوش في الجمعة 3 مرات وساعات 4

مالا عاد قلنا قعدت واحل هكاكة وقلت ملاقدر وملا عيشة بين الموظفين عنا ومبعد قعدت نصبر في روحي وقلت ايا فك

عليا وانا كبشت كي قرقنا ونحكي اسبري شياب ومطيحين ربما انا غالط وزيد ماتقصدش الطفلة ولعل هذا سي شعبان متاعها طفل صغير ويلعب على طرب وفلس اعظم منها ومشيتلها نسأل فاها على مهندس الانفورماتيك باش نكمل معاه قضيتي ونرجع وهيا لقفتي وحدها وحدها قتلي تفضل تفضل سي حسان ادخلو هاني كلمتو عليك توا بالتاليفون
هههههههههه هيا قاتلي هكاكة وانا سألتها " ماتقليش المهندس الى حاجتي بيه انا اسمو سي شعبان

قاتلي تعرفو؟؟؟؟ تي اهوكة راجل كبير في العمر يلبس مرايات وشعرو ابيض شويا عرفتو ؟؟؟؟

قلتلها لا ماداموازال ماعرفتوش .....اما لوغة خديجة حكيلي ظهري هاذي طلعت زادا

خليتها تضحك ومشيت نقابل في خديجة ...تي ..في سي شعبان